كنافه بالمانجو والكريمه والايس كريم
كنافه بالمانجو والكريمه والايس كريم
المقادير
نص كليو كنافه مقطعه صغير اوى
سمنه "الكميه حسب الرغبه"
مانجو مقطعه شرائح
كريم شانتيه بورده
ايس كريم
كوب لبن ساقع
مكسرات
شراب غليظ "كوب ونص ماء وكوب ونص سكر وعصير ليمونه وفانيليا على النار حتى يصبح له قوام غليظ ويترك ليبرد"
الطريقه
نخلط الكنافه كلها مع السمنه كويس جدا حتى تشرب السمنه تماما وتحسى ان الكنافه اصبح لها ملمس رطب
تقسم الكنافه على قسمين متساوين
نجيب صنيه متوسطه الحجم تدهن بالسمنه وتوضع فيها نص الكنافه يضغط عليها كويس اوى
وعلى نار البوتجاز نضع الصنيه وتلف باليد كل شويه حتى تحمر من تحت ثم نقلب على الناحيه الاخرى حتى تحمر
ثم نضعها فى طبق خارجى
ونجيب النص التانى من الكنافه نعمله زى الاول
"طبعا ممكن نحطها فى الفرن لو اسهل بس بالطريقه بتاعتى بتطلع النتيجه افضل "
ونضع النص التانى فى طبق اخر
ونرش على النصين الشراب وهى ساخنه حتى تشرب الشراب جيدا نتركها ربع ساعه لتبرد
فى هذا الاثناء
نجيب الكريم شانيه البودره ونضع عليه كوب اللبن وبعض عصير المانجو مع الايس كريم
وبالمضرب الكهربى حتى يصبح متماسك تماما
نجيب اول طبقه من الكنافه ونضعه فى طبق التقديم ونضع عليه مقدار كويس من الكريم تغطى كل الطبقه
ونرص شرائح المانجو على الطبقه كلها
ثم نجيب الطبقه التانيه عليها هتبقى عامله زى التورته
ونضع فوق الطبقه التانيه كريمه وايس كريم ومكسرات وممكن مانجو حسب الرغبه فى التزين