كبسه الفراخ

موضوع: كبسه الفراخ الأحد يوليو 31, 2011 12:18 am

كبسه الفراخ
المقادير:-
ارز بسمتى ( حسب العدد مع مراعاه كل كوب ارز له كوب ونصف مرق او ماء )
فراخ حسب ما انتى عايزه على حسب عدد الافراد ممكن تقطعى الفرخه 4 او 8 حسب ما تحبى برده
بصله كبيره
1طماطم مقطعه مكعبات صغيره + معلقه كبيره صلصه طماطم
البهارات : -
الصحيحه ( عودين قرفه - عدد 5 قرنفل - ورق لورا - لمون جاف اسود- 3 فصوص حبهان )
ونصف معلقه صغيره من كل من ( فلفل اسود - كمون- كزبره ناشفه -زعفران- كارى- كركم- جنزبيل)
ومننساش الملح طبعا بس ده حسب ما بتحبى انتى
الطريقه :-
نقطع البصل صغير ونضعه على النار حتى يميل لونه للبنى الفاتح ثم نضع البهارات الصحيحه دقيقه مع التقليب ثم الصلصه ونقلبها دقيقه برده ثم قطع الطماطم ونقلب شويه صغيرين ثم نضع الفراخ وتكون مغسوله جيداااااا وباقى البهارات ونقلب كل الخليط ده على بعضه ونغطى عليهم ونوطى النار 10 دقايق يخدو ريحه وطعم بعض ثم نضع الماء على حسب عدد اكواب الرز ونوطى النار ونسيب الفراخ تستوى فى الخليط ده كله ولما تستوى نشيلها ونضع الرز ونكون غسلينه ونقلب ولو ناقص شويه مايه مكان اللى اتبخرو فى سوا الفراخ نزود ثم نعلى النار لحد ما الرز يشرب الماء او المرق لان ده يعتبر مرق الدجاج ونوطى النار جدا ونقلب الرز ونسيبه لما يستوى نضع قطع الفراخ فيه مره تانيه عشان تاخد ريحه الرز كمان ونقفل عليهم ونقدمهم وبالهنا والشفا وممكن نبقى نحط الفراخ تحت الشوايه ونقدم الرز فى سرفيس وقطع الفراخ على الوش او نحط قطع الفراخ مع الارز ونقدمهم مع وضع القطع على وجهه الارز بدون شوى تحت الشوايه عشان الطعم يفضل هو هو طعم الكبسه
للتزيين :-
اضافه مكسرات محمصه زى زبيب ولوز وبندق وصنوبر او اى صنف منهم بتحبيه مع الزبيب
او حلقات طماطم وخيار وليمون
وبالهنا والشفا
بجد طالع طعمها يجنن